黎嘉慧~Chris青年區
hello，
我係chris~好開心有機會同大家分享我的見證！由幼稚園開始，我已經有機會接觸基督教。直至小學六年級一次福音營，一個姐姐問我想唔想讓基督進入我的生命，對於細細個就開始聽聖經故事相信耶穌很愛世人的我來說當然願意啦！而這就是我的第一次決志，亦即係已經係十幾年前的事。
去到中學時期，曾經返過亦離開過教會，曾經忘記神，亦曾經明明記得但都刻意唔理會天父，自把自為咁生活，任意咁傷害自己，令天父心痛左好耐，耐到已經冇面目返去神身邊，覺得滿身傷痕污穢不堪的自己根本不配，但神冇放棄過我！一次又一次安慰我，原諒我，等待後來升左大學，愈來愈頂唔順自己不知所謂的人生，好想好想返到天父的身邊，所以我禱告，我再一次決志，好想生命真係有改變，感謝天父，因為祢聽禱告，祢真係為我的生命作了最好的安排，祢為我預備身邊的小天使，一直支持我，祢為我預備合適教會，祢叫我有同路人一齊成長一齊學習，祢叫我因為祢的愛所以識得愛人亦識得愛自己。
曾經活著搵唔到咩意義，中學時期試過係班上分享，如果可以選擇不出生這個自定的題目，而當時的我亦好肯定咁同同學講，如果有得揀，一定唔會揀出生於哩個醜陋不堪的世界，受盡傷害而離逝，我眼中的生命只係由好多逼於無奈組成，既冇得選擇生亦冇得選擇死，勞勞碌碌唔知為咩，再努力都只係為左世界既有的價值而勞累，好攰好攰。一直搵唔到自己存在的價值，搵唔到值得欣賞自己的地方，但天父話俾我知，原來活著很美，因為有神先愛我地，甚至愛到死，所以活著可以有盼望，多謝天父揀選左不配的我！現在我終於不再勞累，因為我的價值不再建基係世界，而係建基於祢，我很重要，因為祢視我獨一無二而非偶然，我很可愛，因為祢很愛我，感謝祢，天父！
就讓我以愛作回應，不單單愛愛我的人，而係學習點愛那不愛我的人，因為天父祢愛我地每個一樣深厚！